Имин бәйрәмнәр

Чираттагы җыелышта Яңа ел бәйрәмнәрен оештыру һәм аларны имин үткәрү мәсьәләләре тикшерелде.

Районның җитәкчелек составы һәм җирлек башлыклары белән үткәрелгән киңәшмәдә янгын иминлеге һәм террорчылыктан саклану мәсьәләләре турында да сүз барды. Массакүләм мәдәни чаралар үткәрү чорында полицейскийлар, ДНД һәм хезмәтләр, ведомство, оешмалар вәкилләренең кизү торуы оештырыла. Әмма кешеләр уяу булырга, авылларда кинәттән пәйда булган кешеләр, җәмәгать урыннарында калдырылган шикле әйберләр турында тиешле органнарга хәбәр итәргә тиешләр. Киңәшмәдә пиротехник әйберләр һәм чыршылардагы гирляндаларга карата аеруча сак булырга чакырдылар.