Дружиначыларга – таныклык

Аксубайда ирекле халык дружиначыларына чираттагы тапкыр таныклыклар бирелде.

Бу юлы башкарма комитет җитәкчесе кабинетында муниципаль хезмәткәрләр таныклыкка ия булдылар. - Полицейскийлар һәм җәмәгатьчелекнең бердәм эше уңай нәтиҗәләр бирә, - дип шәрехләде башкарма комитет җитәкчесе Анатолий Горбунов. Полиция җитәкчесенең җәмәгать тәртибен саклау буенча урынбасары Сергей Черников сүзләренә караганда, ирекле халык дружиначылары арасында иң җаваплы һәм лаеклы кешеләр - район үзәге оешмалары һәм предприятиеләре хезмәткәрләре. Аларның сафларында йөздән артык кеше, таныклыкларның яртысыннан артыгы хезмәт коллективлары җыелышларында тапшырылды инде.