2015 ел нинди эш-гамәлләр белән истәлекле булды? Инфраструктура үсешендә

Район барлык юнәлешләр буенча колач җәя бара - фельдшер-акушерлык пунктлары, күпфункцияле мәдәният үзәкләре сафка баса, балалар бакчалары, мәктәпләр, юллар ремонтлана һәм төзелә, чишмәләр төзекләндерелә, объектларга капиталь ремонт ясала. Боларның барысы да федераль, республика, җирле программалар бәрабәренә эшләнә.

2015 елда Аксубай районында узып баручы ел нәрсә белән истәлекле булды?

11 мең квадрат метр торак, шул исәптән Аксубайда 12 фатирлы торак йорт файдалануга тапшырылды. Шәһәр тибындагы Аксубай бистәсендә "Дельфин" йөзү бассейны төзелде, фонтан эшли башлады. Аксубайда гомуми мәйданы ике гектардан артык булган сәнәгать мәйданчыгы эшли башлады. Иске Ильдерякта мәдәният йорты, Иске Ибрайда ветеринария пункты, өч спорт мәйданчыгы төзелде. Чуаш Енорускиносы, район үзәгенең 2 нче мәктәпләрендә капиталь ремонт ясалды. Емелькино һәм Иске Ибрай авылларында полициянең участок вәкилләре өчен терәк пунктлар белән берләштерелгән йортлар файдалануга тапшырылды. "Уңайлы мохит" программасын тормышка ашыру кысаларында 2 нче Аксубай урта мәктәбе һәм "Ягымлылык" социаль ярдәм күрсәтү үзәге төзекләндерелде. Мюд поселогында бер түбә астында урнашкан 25 урынлы балалар бакчасы һәм ФАП үзгәртеп корылды. "Парклар һәм скверлар елы" программасы кысаларында шәһәр тибындагы Аксубай бистәсендә төзекләндерү, брусчатка түшәү эшләре алып барылды, эскәмияләр һәм фонарьлар куелды. Емелькино һәм Черемушки авылларында суүткәргеч сузылды. Аксубайда күп фатирлы өч йорт капиталь ремонтланды. Район үзәге һәм торак пунктлар юллары ремонтланды.