“Нәфис калфак“ бәйгесе

Аксубайлылар, aksubayevo.ru «Нәфис калфак» фотобәйгесендә катнашырга ашыгыгыз.

Фотобәйгене «ТАТМЕДИА» АҖ филиалы «Сельская новь» газетасы редакциясе һәм «Ак калфак» татар хатын-кызлары иҗтимагый оешмасы яшьләрдә татар милли культурасы үзенчәлекләренә һәм йолаларына карата ихтирам тәрбияләү максатларында оештыра. Анда 6 яшьтән зуррак барлык гүзәл затлар катнаша ала. Бәйгегә катнашучының милли киемнәрдә төшкән фотосурәте белән иҗат эше кабул ителә (хәтта кулинария рецепты да иҗат эше булып санала). Исем-фамилия һәм элемтәгә керү мәгълүматыннан тыш, үзең, талантың һәм мавыгуларың турында да бераз язма булырга тиеш. Фотосурәтләрне IPG форматында 14 ноябрь көнне 16.00 сәгатькә кадәр «конкурс» тамгасы белән selnew@mail.ru адресына җибәрегез. Тавыш бирү 15 октябрьдә 8.00 сәгатьтә aksubayevo.ru сайтында старт ала һәм 20 октябрь көнне 16.00 сәгатькә кадәр дәвам итә.