Конституция көне белән!

Республика Югары Советы егерме еллар элек Татарстанның төп канунын кабул итте.

Ул еллар шартларыннан чыгып караганда, әлеге канун яңа һәм перспиктивалы адым булган. Безнең Конституция чыннан да алдагы еллар дәвамында үзенең тормышчан булуын һәм хокук саклауны дәлилләп килде, - дип билгеләп узды үзенең котлавында район башлыгы Камил Гилманов. - Ул республикада социаль һәм иҗтимагый мәсьәләләрне чишү, иҗтимагый-сәяси тотрыклылыкны булдыру, мәдәниятне һәм рухиятне үстерү гаранты булып тора. Бүгенге көндә дә Татарстан, Федерациянең тотрыклы үсешле субъекты буларак, Россия дәүләтенең ныгуын дәлилли. Һәм бу нәтиҗәләрдә сезнең дә өлешегез бар, хөрмәтле аксубайлылар. Сезне чын йөрәктән республикабызның мөһим бәйрәме белән тәбрик итәм. Сезгә ныклы сәламәтлек, бәхет, ышаныч һәм күңел күтәренкелеге телим.