Профсоюзлар хезмәт иминлеге өчен

Татарстанның Профсоюзлар федерациясе районда хезмәт иминлеге, хезмәт шартларын махсус бәяләү мәсьәләләре буенча семинар-киңәшмә үткәрде.

Ул профсоюз оешмалары җитәкчеләре һәм хезмәт иминлеге буенча белгечләр катнашында киңәйтелгән форматта үтте. Татарстанның Профсоюзлар федерациясе рәисе урынбасары Марат Гафаров оешма эшчәнлегенең актуаль мәсьәләләренә тукталды, профсоюзларның киләчәккә һәм көндәлек бурычларын билгеләде.

Бүлек башлыгы, республика Профсоюзлар федерациясенең хезмәт буенча баш техник инспекторы Ирина Андина семинарда катнашучыларны хезмәт шартларын махсус бәяләү һәм аттестациядән хезмәт шартларын махсус билгеләүгә күчү юллары белән таныштырды. Семинарда профсоюзларның роле турында сөйләштеләр һәм хезмәт иминлеген саклау турында фильм карадылар.