Ноябрьдә ничек ял итәбез?

Ноябрь аеның беренче атнасы эшче режимнан төшеп кала, бугай.

Татарстан халкы өстәмә ике көн ял итә ала. РФ хезмәт Кодексының 112 нче маддәсе нигезендә 4 ноябрь - Халык бердәмлеге көне - ял итү көне дип санала. ТР ның «Татарстан Республикасында бәйрәм көннәре һәм истәлекле даталар турында»гы Закон белән өстәмә ял көннәре билгеләнә, шул исәптән ТР Конституция көне - 6 ноябрь.
Шулай итеп, ТР да 4 һәм 6 ноябрь ял көннәре дип игълан ителә, дип хәбәр итә ТР хезмәт, мәшгульлек һәм социаль яклау министрлыгының Пресс-хезмәте. Димәк, без 2, 3,4, 6 ноябрьдә ял итәбез һәм 7,8 ноябрьдә булачак ялларга әзерләнү өчен 2 көн вакытыбыз булачак.