Китапка – яңа тормыш

Районның белем бирү учреждениеләрендә «Китапка икенче тормыш бүләк ит» хәйрия акциясе дәвам итә.

Акция башланганнан алып, өченче мәктәпнең китапханә фонды күз алдында тулылана. Бүгенге көндә монда 2000 данәдән артык басма тупланган. Болар - уку әсбаплары, атласлар, контурлы карталар, фәнни-танып белү һәм кызыклы әдәбият. Акциядә мәктәп укучылары, ата-аналар, укытучылар, пенсионерлар, шәхси эшмәкәрләр катнаша. Өченче санлы Аксубай урта мәктәбендә Елизавета һәм Елена Сухареваларның уку процессына матди ярдәм күрсәтүләрен билгеләп үттеләр. Алар мәктәпкә 1000 әсбап, атласлар, төрле сыйныфлар өчен эш дәфтәрләре алып килгәннәр.