Җитәкче үпкәләтсә – шалтырат

Аксубай районында рәсмиләштерелмәгән мәшгульлек һәм "соры" хезмәт хакы сораулары буенча "Кайнар линия" телефоны оештырылган.

Аксубай районы башкарма комитеты "Конверттагы хезмәт хакы"на каршы көрәш игълан итә, һәм эш белән тәэмин итүчеләрнең үз хезмәткәрләренә карата шундый финанс схемалары кулланган очракта аяныч хәлләргә юлыгуына игътибарны юнәлтә. Белгечләр моның җирле бюджетка гына тискәре йогынты ясап калмыйча, хезмәткәрләрнең үзләренә дә зыян китерүен искәртә. Сезгә җитәкчегез хезмәт хакыгызның бер өлешен конвертта бирергә тәкъдим итә икән, сез курыкмыйча 8 сәгатьтән 17 сәгатькә кадәр "кайнар линия" телефонына шалтырата аласыз: 2-80-07, 2-84-17 - икътисад бүлеге. "Кайнар линия"не оештыручылар хәбәрләрнең аноним булуын гарантияли.

Фото https://encrypted-tbn2.gstatic.com/images?q=tbn:ANd9GcROc9xWHh-ZnI-p2q9dkmm6MsX1Imn004YA9j7Cjxz0ySjmZH7hxA сайтыннан алынды