“Җир сәгате“

Аксубайлылар, "Җир сәгате" акциясенә кушылыгыз.

Бу халыкара акция, аның барышында Бөтендөнья кыргый табигать фонды, планетаның киләчәгенә битараф булмау билгесеннән, бер сәгатькә утны сүндереп торырга чакыра.

Бу вакытта дөньяның иң күренекле биналары һәм һәйкәлләрендәге яктырткычлар да сүнәчәк. 2017 елда Халыкара Җир сәгате 10нчы тапкыр үтә - акция 25 мартка билгеләнгән. Дөньядагы иң эре экологик акциядә теләге булган һәр кеше катнаша ала.

Шимбә, 20:30 сәгатьтә үзеңнең өеңдә бер сәгатькә утны һәм тормыш өчен кирәкле барлык электр җиһазларын сүндереп тор.

Фото: i.ytimg.com