Халыклар бердәмлеге билгесе буларак

Татарстанда "Республика тасмасы" акциясе үтә.

"Президент белән бергә" иҗтимагый хәрәкәтнең Аксубай бүлеге һәм Яшьләр парламенты район үзәге урамнарына чыгып, узып баручыларга һәм кунакларга дистәләгән тасма тараттылар.
-Тасмалар - ул Татарстан триколоры гына түгел, бу күп милләтле республикабызның татулыгын һәм бердәмлеген дә гәүдәләндерә, - дип билгеләп үтте хәрәкәт активисты Анастасия.
Активистлар тасмаларны Республика көнендә күпләп өләшергә уйлыйлар. Акция үткән чорда районда алты йөздән артык республика тасмасы өләшенер дип планлаштырыла.