Бәйрәмдә – салют утлары

Республика көнен бәйрәм итүдә аксубайлыларны киң күләмле программа көтә.

30 августта үзәк мәйданда традиция буенча массакүләм күңел ачулар була. Монда халык һөнәрләре күргәзмәсе колач алачак. Бәйрәм программасын милли үзәкләр катнашындагы "Татулыкта һәм бердәмлектә" дип исемләнгән концерт ачып җибәрәчәк. Үзәк мәйданда район үсешенә лаеклы өлеш керткән район җитәкчеләрен, төрле тармак хезмәткәрләрен бүләкләү тантанасы үтәчәк. Бәйрәм концертында Казаннан "Болгар кызлары" төркеме катнашачак. Татарстан бәйсезлегенең юбилейлы бәйрәмен билгеләп үтү салют утлары белән истә калачак.