Бәйрәмдә – салют

Республика көнендә аксубайлыларны массакүләм чаралар көтә.

30 августта 19.00 сәгатьтә үзәк мәйданда районның милли үзәкләре эшли башлый. 20.00 сәгатьтә бәйрәм концерты башлана, милли үзәкләр, балалар сәнгать мәктәбе укучылары чыгышы, театральләштерелгән тамаша көтелә. Район башлыгы Камил Гилманов район халкын Республика көне белән тәбрикли. Бәйрәмдә районның иң үрнәк гаилә парлары хөрмәтләнә. Төп сәхнәдә районның лаеклы гражданнарына "Мактаулы гражданин" исеме биреләчәк. Районның үзешчән артистлары катнашындагы концерт программасы кызыклы булыр дип көтелә. Бәйрәм исә 22.00 сәгатьтә салют белән тәмамланачак, аннан соң яшьләргә дискотека оештырыла.