Аксубай районы суд приставлары бурычлылардан бер ел эчендә 96 миллион сумнан артык акча түләттергән

Алар буенча түләттерелгән гомуми сумма 582 миллион сум тәшкил иткән.
Аксубай РОСП җитәкчесе вазыйфаларын вакытлыча башкаручы Василий Морозов хәбәр иткәнчә, узган елда 96,2 миллион сумлык 7118 башкарма производство үтәлгән.
Шулай ук бүлекчәдә 8,7 миллион сумлык салымнар һәм җыемнар җыю турындагы 924 башкарма производство үтәлгән, бер елда 2,6 миллион сум акча түләттерелгән.
– Суд приставларының аерым игътибары алимент түләүләрен түләттерүгә юнәлтелгән. Бер ел эчендә приставлар бурычлылардан 5,7 миллион сум акча түләттергәннәр. 9 бурычлы кеше алиментны үз теләге белән түләгән, 90 бурычлының алимент түләүләре хезмәт хакыннан тотыла, 12 түләмәүченең кайда булуы билгеле түгел, алар эзләүгә игълан ителгән, дип аңлатма бирде Василий Морозов. – 9 бурычлы РФ Административ хокук бозулар кодексының 5.35.1 маддәсе буенча административ җаваплылыкка җәлеп ителгән. 3 түләмәүчегә карата РФ ҖК 157 маддәсенең 1 өлеше буенча җинаять эшләре кузгатылган.
Аксубай суд приставлары тарафыннан алимент түләүләрен түләтү турында башкарма производстволар кысаларында банк счетларында булган акчаларга түләтү әйләнеше турында 143 карар чыгарылган. Транспорт чараларына карата теркәү чараларын тыю турында 31 карар чыгарылган. 179 бурычлы РФ чикләреннән чыгу хокукында чикләнгән.