Аксубай районы мәктәпләрендә балаларны яклау көненә багышланган чаралар уза

Кайбер белем бирү учреждениеләрендә спорт чаралары оештырыла, кайдадыр юл хәрәкәте кагыйдәләрен, өченчеләрендә җирлектә ориентлашырга, ә башкаларында сулыкларда үз-үзңне тоту кагыйдәләренә өйрәтәләр. Виталий Тимирясов исемендәге урта мәктәптә 3 нче сыйныф укучылары белән “Сулыш органнарын саклауның төп чаралары” темасына чара узды.
Укучыларга гадәттән тыш хәлләр вакытында саклану чаралары һәм төрләре күрсәтелде.
– Балаларга көтелмәгән шартларда, янгында яки башка һәлакәтләрдә ничек эш итәргә кирәклеген аңлатырга кирәк, – дип саный гомуми белем бирү учреждениесе педагоглары.
Теоретик өлештән соң мәктәп укучылары белән сулыш органнарын саклауның элементар чараларын куллану буенча практик күнегүләр үткәрделәр.