01 хезмәте

Узган атнада районда ике янгын булган.

22 августта Иске Ильдеряк авылында янгын чыга. Ялкын телләре ике хуҗалыкны камап ала. Янгынны соңлап күреп алу утның таралуына китерә, өстәвенә сарай башлары печән белән тулган була. Гомуми мәйданы 64 квадрат метр тәшкил иткән блоктан төзелгән сарайлар уттан тулысынча зыян күргән.
24 августта 4 сәгать 39 минутта Глонасс системасы буенча Иске Савруш авылында шәхси йорт хуҗалыгында сарай януы турында хәбәр килеп ирешә. Ут сарай түбәсен көлгә әйләндерә, шулай ук диварларына да зыян килгән.
Янгыннарның якынча сәбәбе - шәхесе билгеләнгән затның исерек килеш саксыз тәмәке тартуы.