Яхшы булуларын расладылар “Трактор” операциясе

Төрле оешмалар һәм шәхси затларның тракторларына, үзйөрешле машиналарына планлы карау уңышлы тәмамланганнан соң, районда "Трактор-Тагылма" профилактик операция башланып китте.

Бу чара Дәүләт техник күзәтүе һәм ЮХИДИ хезмәткәрләре белән берлектә үткәрелә. Аның максаты булып тагылмасы булган тракторлар һәм үзйөрешле техникалар катнашында юл-транспорт фаҗигасе аркасында чыккан бәхетсезлек очраклары санын киметү тора.
Шулай ук әлеге категориягә кергән транспорт чараларының юлларда имин хәрәкәтен тәэмин итүгә бәйле үткәрелгән чараларның нәтиҗәлелеген күтәрү өчен , "Трактор-Тагылма" профилактик операциясен үткәрү вакытында техниканың файдалануга яраклылыгы тикшереләчәк.