Татарстанда җәяүлеләргә игътибарны арттырачаклар

Татарстан Республикасы буенча ЭЭМның Дәүләт автоинспекциясе хезмәткәрләре җәяүлеләргә хәрәкәттә өстенлек бирмәү, җәяүлеләрнең моның өчен каралмаган урыннарда яки светофорның тыю сигналына юл аша чыгуы, җәяүлеләрнең тәүлекнең караңгы вакытында торак пунктлардан читтә яктылык кайтаручы элементларны кулланмавы белән бәйле хокук бозуларны кисәтү буенча рейдлар үткәрә.
Моннан тыш, җәяүлеләр инфраструктурасы объектларын (җәяүлеләр үтү урыннарын, тротуарларны, җәмәгать транспорты тукталышларын) тоту кагыйдәләрен үтәүне контрольгә алу да көчәйтелгән.
Татарстан Республикасы буенча ЭЭМның Дәүләт автоинспекциясе юл хәрәкәтендә катнашучыларны игътибарлы һәм сак булырга чакыра.
Машина йөртүчеләргә җәяүлеләр кичүе алдыннан тизлекне киметергә кирәк.
Җәяүлеләр, үз чиратында, юлны юл чатындагы тротуарлар яки юл чите буенча түгел, ә җәяүлеләр кичүе аша гына чыгарга кирәклеген истә тотарга тиеш. Юл аркылы чыгу бары тик транспорт чарасын йөртүченең хәрәкәт итүдә өстенлек бирүенә ышангач кына рөхсәт ителә. Тәүлекнең караңгы вакытында киемдә яктылык кайтаручы элементлар булырга тиеш.