Татар теле укытучыларының очрашуы

Күптән түгел "Модернизация шартларында милли белем, тәрбия бирүне тормышка ашыру" темасы өстендә эшләп килгән Чистай муниципаль ресурс үзәге зона семинары үткәрде.
Чистай, Аксубай, Әлки, Яңа Чишмә районнарыннан иң тәжрибәле татар теле һәм әдәбияты укытучылары "Татар теле һәм әдәбияты буенча инновацион дидактик материаллар эшләүнең теоретик һәм гамәли нигезләре" темасына тәҗрибә уртаклашты. Безнең районнан семинарда "Аксубай лицее" МББУдан Ә.Галиева, 3 нче Аксубай урта гомуми белем бирү мәктәбеннән Г. Аюпова, Карасу төп белем бирү мәктәбеннән Р. Габделвәлиева катнашты.
Шулай ук дүрт район вәкилләренә шагыйрә, язучылар берлеге әгъзасы Миңнеруй Хәбибуллина-Гайфуллинаның иҗаты белән дә танышу мөмкинлеге туды.