Табигатьне сакларга өйрәтте

2 нче номерлы Аксубай балалар бакчасында үзенчәлекле табигать белеме дәресе үтте.

Бу дәрес балалар күңелендә озак сакланыр, мөгаен.Тәрбиячеләр Валентина Левкина һәм Любовь Мясникова үткәргән ачык дәрескә кунак булып урманчылык ветераны Александр Ильмухин килде. Яшел униформа кигән кеше килеп кергәч, балаларның кызыксынуы тагын да артты. Александр Степанович балаларга урманнар чиста, табигать матур булсын өчен кешеләргә нишләргә кирәклеге турында сөйләде. Балалар үз чиратында табигать турында шигырьләр сөйләделәр, викторина сорауларына җаваплар бирделәр.