Сабантуйны барысы да көтә

Район Сабантуен үткәрү 8 июньгә билгеләнгән.

Әлеге датага кадәр һәм аннан соң районның муниципаль берәмлекләрендә кече Сабантуйлар узачак. Иске Савруш, Иске Кыязлы, Такталы, Майна, Трудолюбово, Савгач хезмәтчәннәре сабан бәйрәмен 1 июнь көнне билгеләп үтәчәкләр. Икенче көнне бәйрәмне Алексеевск һәм Шәрбән халкы каршы алачак. 7 июнь көнне Емелькинода, Яңа Чуаш Адәмсуында, Татар Сөнчәлесендә, Яңа Аксубайда, Яңа һәм Иске Ибрай, Иске Кармәттә, Иске Тимошкино, Иске Үзи, Кече Сөнчәле авылларында кече сабантуйлар үтә. Кәкрекүллеләр һәм думалылар исә сабан бәйрәмен 9 июньдә каршы алачак. 15 июньдә Яңа Үзи авылында Сабантуй гөрләячәк.