Мәдәният хезмәткәрләре чыгышы

Аксубай районының мәдәният бүлеге иҗат отчетларына йомгак ясады.

Быел иҗади чыгышлар Экология елына багышланды һәм « Туган төбәк безнең өчен кадерле» исеме астында үтте. Һәр авыл җирлегендә мәдәният учаклары бергә берләшеп җитәкчелек алдында гына хисап тотып калмыйча, районның торак пунктлары халкы алдында иң яхшы концерт номерлары белән чыгыш ясадылар. Түбән Баланда авыл клубы, Беловка, Иске Ильдеряк, Иске Тимошкино авыл җирлекләре мәдәният хезмәткәрләре бик шәп хисап тоттылар. Искеүзилеләр һәм искетимошкинолылар сәхнәләштергән чит планетада яшәүчеләр турындагы тамаша аерым ошады.