Күпьеллык үләннәрне тукландыралар

«ВАМИН-Аксу» агрофирмасы механизаторлары өч мең гектардан артык күпьеллык үләннәр чәчүлекләрен минераль ашламалар белән тукландырдылар.

Авыл хуҗалыгы һәм азык-төлек идарәсе мәгълүматларына караганда, быелгы сезонда район игенчеләренә 4,5 мең гектардан артык күпьеллык үләннәр, 18,5 гектардан артык көзге игеннәр чәчүлекләрен минераль ашламалар белән тукландыру күздә тотыла. Күпьеллык үлән чәчүлекләренең яртысыннан артыгы тукландырылган инде. «ВАМИН-Аксу», «Аксу-Агро» агрофирмалары аграрчылары булачак печән җирләрен тамырдан тукландыруны төгәлләп киләләр. Механикалаштырылган звенолар да шулай ук көзге культураларны тукландыруны алып баралар.