Бистә–уртак йортыбыз

Район үзәгендә территорияләрне төзекләндерү һәм чистарту, үсентеләр утырту буенча чаралар планы эшләнде. Һәр предприятие һәм оешмага алар янындагы территорияләр беркетелгән. Әмма урамнардагы тәртипне анда яшәүчеләр салырга тиеш. Күз алдында эреп юкка чыккан кар астыннан кыш буена җыелып яткан чүп-чар ачыла. Шәһәр тибындагы Аксубай бистәсе район үзәге халкын урамнар, йорт тирәләрендәге чисталык һәм тәртип өчен битараф булмаган кешеләр сафына кушылырга өнди. Әйдәгез, үзебез яшәгән уртак йортыбызны чистартыйк һәм тагын да матуррак итик.