Автомобиль транспорты көне белән!

Автомобильче көнен бөтен халык бәйрәме дип атап була. Бүгенге көндә район халкының өчтән бер өлешенең шәхси автомобиле бар.

Аксубай районы юлларында елдан-ел автотранспорт исәбе арта бара. Икътисад тармагы үсешен һәм кешелек тормышындагы барлык өлкәләр эшен тәэмин итүче йөк һәм махсус транспортка да таләп арта.
Автомобильче һөнәре-ул һәркөнлек авыр хезмәт, гражданнар тормышын сезнең бердәм һәм намуслы эшегездән башка күз алдына да китереп булмый. Барлык шоферларга, инженерларга, хезмәткәрләргә, слесарь-ремонтчыларга, диспетчерларга ихлас рәхмәтемне белдерәм. Һәр көнне республика һәм Аксубай юлларына чыгып киткән барлык һәвәскәр һәм һөнәри автомобильчеләргә дә имин юллар, ныклы исәнлек, уңышлар һәм техникаларының ышанычлы булуын телим!