Аксубайлылар «Хәтер бакчасы» акциясенә кушылды

Акция Бөек Ватан сугышында Җиңүнең 78 еллыгын бәйрәм итүгә багышлана.
Ибрай урманчылыгының 40 нчы кварталында 2022 елның язында истәлекле урман үсентеләре утыртылган иде, еллар узгач каен һәм корычагач рәтләре матур булып үсеп китәчәк. Акцияне быел яз дәвам иттеләр. Бу участокта чыршы урманы булачак. Ябык тамыр системалы үсентеләрне Байлар Сабасыннан алып кайтканнар.
Сергей Маклаков җитәкчелегендәге Иске Ильдерәк авыл җирлегенең бюджет оешмалары хезмәткәрләре монда кабат җыелдылар. Аларны табигать волонтерлары дип атарга була, алар ел саен урман утыртуда катнашып, бу эшнең технологиясен үзләштергәннәр инде. Эшчеләр тырышып эшләделәр. Биш гектар мәйданда 15 мең төп чыршы үсентесе утыртылачак. Утырту участогындагы эшләр белән Аксубай урманчылыгы җитәкче-баш урманчысы Андрей Ильмухин таныштырды.
–Иске Ильдеряк авыл җирлеге коллективы һәрвакыт тирә-як мәнфәгатен кайгырту яклы, – дип билгеләп үтте ул. – Алар Бөек Ватан сугышыннан әйләнеп кайтмаган ата-бабалары истәлегенә яңа урманга нигез салдылар. Еллар узгач, бу урында яшел урман шаулап үсеп утырсын өчен урманчыларга плантацияләрне механик һәм кул белән эшкәртү, агачларны берничә ел дәвамында тәрбияләү буенча шактый көч куярга туры киләчәк.