Аксубайда гражданнар оборонасы хәбәр итү системаларының әзерлеген тикшерәчәкләр

26 апрельдә, 10.40 сәгатьтән 10.43 сәгатькә кадәр Аксубайда да хәбәр итү сиреналары эшләтеп җибәреләчәк.
Халыкны хәбәр итүнең муниципаль системасын булдыру һәм даими әзерлек хәлендә тоту гражданнар оборонасын әзерләү һәм алып бару, табигый һәм техноген характердагы гадәттән тыш хәлләрне кисәтү һәм бетерү буенча чаралар комплексының бер өлеше булып тора.
Сирена сигналын ишеткәч, куркырга кирәкми. Мөмкин булса, радиоалгычны яки халыкка нәрсә эшләргә кирәклеген күрсәтүче телевидениене кабызырга кирәк. Бу хакта алдан ук кисәтергә һәм, паника тудырмас өчен, хәлне балаларга һәм өлкән яшьтәге кешеләргә аңлатырга кирәк.