Аксубай волейболчылары финалга юллама яуладылар

Дружина «Татарстан – Яңа гасыр» республика иҗтимагый хәрәкәте призларына Татарстан Республикасы районнары II лигасының ир-атлар командалары арасында волейбол буенча зональ ярышларда катнашып, финалга чыкты.
Аксубайлылар Чирмешән, Алексеевск районнарының волейбол командалары һәм мәйданчык хуҗалары белән икенче төркемдә уңышлы матчлар үткәрделәр һәм үз төркемнәрендә җиңү яуладылар. Һәм алар «Татарстан – Яңа гасыр» иҗтимагый хәрәкәте призларына волейбол буенча ярышларның республика этабында финалда катнашачаклар. Волейбол дружинасы составында районда танылган спортчылар: Илшат Хафизов, Илнур Сафин, Евгений Ильин, Самат Гайнуллин, Марат Җиһангиров, Радик Канәфин, Рөстәм Бикмөхәммәтов. Аларга финал уеннарында уңышлар телибез!
                                                                                                                                                                                                    Фото: Илшат Хафизовның шәхси архивыннан.