«Аксу Агро» һәм «Волга Селект» АФда уҗымнарны тукландыруны тәмамладылар

Район авыл хуҗалыгы идарәсе мәгълүматлары буенча 10 апрельгә 12830 гектардан артык мәйданда көзге культуралар эшкәртелгән. Бу – әлеге культураларның гомуми мәйданының 90 процентын тәшкил итә. Кичә генә 1245 гектар көзге культуралар мәйданнарына ашлама кертелгән. «Чистай» ХКның «Аксу Агро» АФда һәм «Волга Селект» авыл хуҗалыгы предприятиесендә уҗымнарны тукландыру тәмамланган. Бу эш «Актай» агросәнәгать комплексында – 89 процентка, «Аксу Агро» ҖЧҖдә 81 процентка үтәлгән.
Район буенча күпьеллык үләннәр 5300 гектардан артык мәйданда тукландырылган, бу план күләменең 71 процентын тәшкил итә.