Солдат сугыш юлларында ышанычлы элемтә тәэмин иткән

Аксубай районында туып үскән сугышчы Ленинградтан Берлинга кадәр канлы сугыш юлы үтә. Бер-бер артлы шәһәрләрне һәм авылларны дошманнан азат итеп, Кызыл Армия бүлекчәләрен һәм частьларны ышанычлы элемтә белән тәэмин итә.

Сугышчан батырлыклары һәм шәхси батырлыгы өчен кече сержант Леонтий Яковлев күптапкыр хәрби бүләкләргә лаек була. Солдатның күкрәген 1 дәрәҗә Ватан сугышы ордены, «Батырлык өчен», «Сугышчан батырлыклар өчен», «Ленинград оборонасы өчен», «Берлинны алган өчен», «Германияне Җиңгән өчен» медальләре бизи.

Якташыбыз сугышны Берлинда тәмамлый, әмма 1947 елның язына кадәр Кораллы Көчләр сафларында хезмәтен дәвам итә.

Туган авылына кайта, гаилә кора. Күпмедер вакыт Иске Татар Адәмсуында МТСта – трактор бригадасын, аннары Емелькино авылында 2 нче бригаданы җитәкли.
1950 елда Яковлевлар Куйбышев (Самара) шәһәренә күчеп китәләр, анда Леонтий Егорович экскаваторчылар курсына укырга керә. Пенсиягә кадәр әлеге белгечлек буенча эшли.

Сугыш ветераны 2011 елның ноябрендә вафат була. Бөек Ватан сугышы ветераны буларак, Самара шәһәре зиратында хөрмәтләп җирләнә.