Шашкачылар – өченче

Шашка буенча республика этабы Мамадышта узды. Тренер Геннадий Горбунов җитәкчелегендәге составында Данила Маклаков, Григорий Благородный, Эльвира Әхмәтҗанова һәм Полина Рязанова булган Аксубайның 2 нче мәктәбе командасы Спартакиадада үзен яхшы яктан гына күрсәтте. Ярышларда республиканың төрле шәһәрләреннән һәм районнарыннан 36 команда көч сынашты. Безнең команданың һәр катнашучысы команда копилкасына мөмкин булган 9 баллның 6сын кертте һәм бу команданың гомуми нәтиҗәдә урынын билгеләде дә. Команданы ярышларга әзерләүдә районның иң алдынгы шашкачыларының берсе Андрей Егоров зур булышлык күрсәтте, ул команда катнашучылары белән мастер-класслар уздырды.