«Россия чаңгы юллары» авыл мәктәпләрендә дә узды
Әгәр Аксубай мәктәбе укучылары Бөтенроссия чаңгы йөгереше көнендә чаңгы юлы мәйданына чыккан булсалар, авыл мәктәпләрендә үз спорт бәйрәмнәре узды.
Кәкре Күл һәм Яңа Тимошкино белем бирү учреждениеләре территорияләрендә авыл кешеләре бу көнне матур тамаша шаһитлары булдылар. Стартка мәктәпләр коллективлары басты. Түбән сыйныфлардан алып өлкән сыйныф укучыларына кадәр барысының да үз көчен сынап карау мөмкинлеге бертөрле иде.
Чаңгыда теләсә нинди яшьтәге балалар йөри ала, ул аларга үзара көч сынашу мөмкинлеге бирә, ярышу рухы формалаштыра, җиңелүләрне кабул итәргә һәм уңышларга ирешергә өйрәтә, дип саныйлар сыйныф җитәкчеләре. Саф һавада булу гына да көч-куәт өсти, ул шулай ук күп вакытларын мәктәптә үткәргән укучылар өчен дә файдалы. Аларның сыйныфтан тыш бер-берсе белән аралашу шатлыгы бөтенләй бәяләп бетергесез. Өстәвенә, ул гражданлык-патриотик тәрбия айлыгы чорында узды.
Фото: Кәкре Күл һәм Яңа Тимошкино мәктәпләре архивыннан.
Следите за самым важным и интересным в Telegram-каналеТатмедиа
Нет комментариев