Искемокшинолылар – җиңүче

Аксубай районы командасы Түбән Кама шәһәрендә узган баскетбол буенча ТР Беренчелегендә яхшы нәтиҗәләр күрсәтте.

Ярышларда 9 авыл һәм 5 шәһәр командалары катнашты. Безнең районны Иске Мокшино авылы мәктәбе укучылары тәкъдим итте.

Баскетболга монда үзенчә карыйлар. Тренер Фәрхат Гайнуллин җитәкчелегендә секцияләрдә укучылар теләп уйныйлар. Һәм күп тапкыр район, республика ярышларында җиңүчеләр, призерлар булдылар. Республика Беренчелегендә баскетбол ярышлары мәйданында кызлар үзләрен лаеклы күрсәттеләр, һәр уен саен алдынгылар рәтенә керделәр. Нәтиҗәдә - 3 нче урынны алдылар!