Футбол кырында бары тик кызлар гына

Аксубайда хатын-кызлар футболы аеруча популяр.

ДЮСШ тренерлары Валерий Павлов һәм Рәис Бикушевка команда туплауда кыенлыклар юк. Хатын-кызлар футбол командасы Әлмәт шәһәрендә үткән "Күн туп" клубы призы ярышларында катнаштылар. Беренче яшь төркемендә (2003-2004 елларда туганнар арасында) безнең яшь футболчы кызларыбыз Казан командасын да җиңделәр хәттә. Хуҗалар белән очрашуда капкага бер тапкыр туп кертүгә юл куйдылар һәм нәтиҗәдә икенче урынны алдылар. Ә ике яшькә кечерәк булган кызлар командасының чистайлылар белән очрашуы тигез исәп белән тәмамланды. Әмма Казан һәм Әлмәт шәһәрләре командалары көчлерәк булып чыкты, әлеге уенда аксубайлылар дүртенче урынны гына яулады.