Бронза призеры

Билбау көрәше белән шөгыльләнүче Аксубай мәктәбе укучысы Диләрә Латыйпова дөнья Чемпионатының бронза призеры булды.

Ярышларда 20 илдән 200 дән артык спортчы катнашты. Диләрә узган ел яшүсмерләр һәм кызлар арасында моңа охшаш көч сынашуларда чемпион титулын яулаган иде. Ә быел ул өлкән яшьтәгеләр төркемендә катнашты. Өстәвенә, катнашучыларның иң яше булды. Әмма титуллы дөнья спортчылары белән лаеклы көч сынашуда бу аңа бер дә комачауламады. Диләрә Физкультура һәм спорт академиясендә укый һәм үзенең тренеры Александр Скворцовны уңышлары белән шатландыруын дәвам итә.