Аксубайда республика бадминтончылары шөгыльләнә

Безнең районда иң яшь спортчылардан алып, Татарстан җыелма командасы әгъзасына кадәр 40 тан артык бадминтончы әзерлек үтә. Алар арасында спортта өметле район вәкиле Оксана Ашаева да бар.

Спортчыларның графигы иртәнге 07.58 сәгатьтән башлана. Күнегүләр, йокы ашау белән бергә, бассейнга, сауналарга, мәйданчыкта хәрәкәтчән уеннарга бару каралган.

– Безнең база барлык шартлар буенча да спорт чарасын үткәрүгә туры килә, – дип билгеләп үтте спорт комплексы директоры Радик Мостафин. – Зур сыйдырышлылык, заманча өслек. Аларның көнкүреше, туклануы, ялы яхшы җайга салынган. Аннары баскетбол федерациясеннән килгәннәрен көтәбез.

Спортчыларның Аксубайда җыеннары ничек узуы турында аларның тренеры Карина Назарова сөйләде. Ул безнең районда икенче тапкыр күнегүләр үткәрә, биредә Татарстан җыелма командасы белән 2017 елда өйрәнүләр үткәрелгән булган.

Ул вакытта башка спортчылар белән бергә монда безнең Никита Мулеев та шөгыльләнгән иде. Карина Назарова сүзләренчә, бу көннәрдә ул Алексеевск районында республика яшьләр җыелма командасы составында шөгыльләнә.

– Спортчыларга биредә бик ошый. Алар Аксубайда бик теләп шөгыльләнәләр, – ди тренер. – Шартлар бик яхшы. Зал – искиткеч. Корт Казанныкыннан да зуррак. Туклану да яхшы оештырылган – балалар барысын да теләп ашыйлар, бассейн да янәшә генә. Спортчыларның физик йөкләнеше зур – көненә өч тренировка. Бассейнда йөзү көчне торгызу өчен бик яхшы ысул. Шулай ук сауна да бар, бик хшы шартларда яшиләр.