Аксубай волейболчылары районара турнир җиңүчеләре булдылар

Ярышлар күренекле татар язучысы Нәби Дәүлинең тууына 115 ел тулуга багышланды, анда республиканың алты районыннан спортчылар катнашты.

Безнең команда Әлки районы волейбол дружинасын 2:1 исәбе белән җиңде. Яңа Чишмә районы спортчылары белән очрашу Аксубай районы командасы өчен шундый ук нәтиҗә белән төгәлләнде. Финал уеннарында безнең район дружинасы Нурлат һәм Әлки районнарын җиңүгә иреште, 2 : 0 исәбе белән спорт пьедесталының беренче баскычын яулады.

Район җыелма командасын Савгач мәктәбе вәкилләре Алин Пискарев, Сергей Иванов, Сергей Спиркин, Константин Тимофеев, Алексей Васильев, шулай ук район үзәгенең 1нче мәктәбеннән Зөлфәт Мәхмүтов, Кирилл Ким һәм Амир Мясников тәкъдим итте. Җиңгән өчен командага алтын кубок, грамоталар, медальләр һәм акчалата призлар тапшырылды. Кирилл Ким иң яхшы бәйләүче буларак билгеләп үтелде.

– Егетләр бурычны «бик яхшыга» үтәделәр, – дип билгеләп үтте тренер Ольга Васильева. – Алар күнегүләр ясаганда бик тырышып эшләделәр һәм ярышлар вакытында да чын спорт рухы, көрәш кәефе һәм төгәл уен күрсәттеләр.