Уңышлар өчен мактаудан курыкмаска

Аның нигезенә укыту һәм тәрбия идеяләре генә түгел, ә мәктәпкәчә яшьтәге балаларның мөмкинлекләрен һәм сәләтләрен ачу да салынган.

Балалар бакчасында аларның психик һәм физик үсешенең барлык үзенчәлекләрен исәпкә алып шартлар тудырылырга тиеш.

Балалар дөньяны уен аша танып белсәләр дә, тәрбияче эше мәктәптә белем бирүче укытучыныкыннан бер дә җиңел түгел. Еш кына бер төркемдә берничә милләт балаларының тәрбияләнүе һәм укуы да (бу безнең районның искиткеч үзенчәлеге) кыенлыклар китереп чыгара. Мондый шартларда да тәрбиячеләр балалар арасында уңай, дустанә мөнәсәбәтләр булдырырга тырышалар. Ә бу бик авыр. Әйе, мәктәпкәчә яшьтәге балаларны укыту җиңел түгел. Ләкин галимнәр әйтүенчә, кеше биш яшькә кадәр тәрбияләнә һәм бу эшне бер дәрәҗәдә алып барырга кирәк.

– Районда мәгариф оешмалары составында 12 мөстәкыйль мәктәпкәчә яшьтәге балалар һәм 18 төркем эшли. Аларда 772 бала тәрбияләнә, – дип сөйли башлангыч белем бирү буенча методист Гөлсирә Хәйруллина.

– Балаларга кызыклырак булыр өчен, укырга һәм үзгәрергә, көн саен яңа булырга – «Кояшкай» балалар бакчасы тәрбиячеләре һәм педагогларының эш принцибы менә шундый. Эшкә мондый караш коллективка, Туган телләр һәм халыклар бердәмлеге елы кысаларында милли мәдәният телләренә таянып, педагогик эшчәнлек алып бару буенча республика бәйгесендә 500 мең сумлык Грант отарга мөмкинлек бирде. Әлеге мәктәпкәчә белем бирү учреждениесенең төп юнәлеше – район территориясендә тупланып яшәүче халыкларның туган телләрен, мәдәниятләрен һәм гореф-гадәтләрен саклау һәм үстерү. Коллективның башка казанышлары да бар. Мәгариф учреждениесе тәрбиячесе Валентина Казакова 2021 елгы һөнәри осталык республика бәйгесенең муниципаль этабында «Салават күпере» балалар бакчасы педагогы Ирина Ильинадан соң икенче урынга чыкты. Фәния Равзетдинова әлеге бәйгенең «Телләрне саклаучы» номинациясендә җиңүче дип табылды.

«Кояшкай» балалар бакчасы республика күләмендә «Яшел ут» юл иминлеге бәйгесендә өченче булды. Бу да очраклы түгел, ә уртак нәтиҗә. Балалар бакчасында юл йөрү кагыйдәләренә өйрәтү буенча максатчан эш алып баралар, уен формасында балалар игътибарына юл билгеләре һәм юл йөрү кагыйдәләренең башка атрибутларын тәкъдим итәләр.

Теләсә кайсы өлкәдә – үсеш, алга хәрәкәт булмаса, уңышлы эшләп булмый, ә мәгариф системасында – аеруча да. Константин Ушинскийның «Педагог ул укыганчы яши» дигән сүзләрен барыбыз да хәтерлибез. Тирә-юнебездә дөнья үзгәрә, мәгарифтә, шул исәптән мәктәпкәчә яшьтәге балалар бакчасында яңа тенденцияләр барлыкка килә, һәм бүгенге балалар бакчасы тәрбиячесенең бурычы – мәктәпкәчә яшьтәге балаларны тәрбияләү процессын башлангыч этап буларак түгел, ә өзлексез белем бирү юлында мөһим этап итеп карау. Моны аңлап, «Кояшкай» балалар бакчасы тәрбиячеләре бала тирәсендә мәхәббәт һәм үзара аңлашу атмосферасы тудырырга тырышалар, бу баланың индивидуальлеген ачарга ярдәм итә. Кечкенә генә уңышлары өчен дә баланы мактаудан курыкмыйлар. Бу балада үз-үзенә ышаныч тәрбияли, алга таба бер адым ясарга теләк уята. Аларның эшен бәяләү критерийлары гади, дип саныйлар алар. Бу баланың: “Ә сез иртәгә безгә киләсезме?”, дигән сорауны бирүе.