Туган авылында эшләргә калган һәм уңышларга ирешә

Педагог район җитәкчесе бүләгенә үзенең эшкә һәм тәрбияләнүчеләргә мөнәсәбәте белән лаек булды. Әлеге учреждениедә эшли башлавының беренче көннәреннән үк ул үзен белемле, перспективалы, эше өчен җан атып торучы белгеч буларак күрсәтә. Мәктәптә эшләрне уңышлы алып баруда аңа оештыручанлык һәм эшлекле сыйфатлары ярдәм итә.

Гөлчәчәк Минабетдин кызы үз җаваплылыгында булган белем бирү оешмасы барлык кирәк-яраклар белән тәэмин ителсен, укучылар һәм мәктәпкәчә яшьтәге балалар уңайлы шартларда белем алсын өчен бик тә тырыша. Узган елда гына балалар өчен күләгәле түбә, яшелчәләр өчен саклагыч төзелгән, язын мәктәп территориясендә чыршы үсентеләре утыртканнар, бу эшкә учреждение хезмәткәрләре җәлеп ителгән.

– Гөлчәчәк Минабетдин кызы безнең өчен Ходай Тәгала биргән бүләк кебек, – дип уртак фикере белән уртаклашты җирле совет депутаты Алексей Буранов. – Ул туган авылында эшләргә калды, өстәвенә мөһим роль – мәктәп-балалар бакчасы директоры вазыйфасын башкара. Хәзерге вакытта укытучыларга кытлык кискен тора, бигрәк тә зур шәһәрләрдә, безнең районда Гөлчәчәк Минабетдин кызы кебек яшь мөгаллимнәрнең авылны сайлавы сөенечле. Кызганычка каршы, мондый сайлау яшьләр арасында гадәти күренеш түгел. Бүгенге чынбарлыкта мәктәп җитәкчеләренең эше бик күп һәм авыр. Әмма ул барысын да уңышлы башкара. Әти-әниләр, депутатлар корпусы, авыл халкы Гөлчәчәк Минабетдин кызы һәрвакыт үзләре белән булыр дип өметләнәләр.

Фото: редакция һәм «Рус Кармәте башлангыч мәктәп – балалар бакчасы» муниципаль белем бирү учреждениесе архивыннан.