Тормыш һәм халыкка мәхәббәт турында шигырьләр укыдылар

Чарада районның 9 гомумбелем бирү мәктәбеннән 1-11 сыйныфларда белем алучы 23 укучы катнашты.

Жюри тышкы кыяфәткә – сайлап алынган шигырь яки проза белән мимика һәм ишарәләрнең туры килүен, тавышларның яңгырашын – интонацияне, дикцион төгәллекне, тамашачы белән элемтәне һәм аралашуны бәяләде. Катнашучылар барлык таләпләрне дә үтәде дип әйтергә була – алар конкурс биременә җаваплы караганнар.

Күз яшьләре дә, елмаюлар да булды – район конкурсы шундый эмоциональ мохиттә үтте. Һәр яшь категориясендә җиңүчеләрне һәм призерларны сайлау җиңел булмады. Жюри 12-16 апрель көннәрендә Казанда узачак бәйгенең финал этабында катнашачак шигырь укучыларны билгеләде.

1-4 сыйныфлар арасында 2нче Аксубай мәктәбеннән 1 сыйныф укучысы Алсу Нуруллина, 5-8 сыйныфлар арасында – В.Ф. Тарасов исемендәге Иске Мокшино мәктәбенең 7 сыйныф укучысы Зәлинә Мингазова, 9-11 сыйныфлар арасында – Түбән Татар Майнасы мәктәбенең 10 сыйныф укучысы Сара Насыйрова җиңүчеләр булдылар.

Сайлап алу этабында уңышлы чыгыш ясаучылар Казанда гала-концертта катнашачак.

Белешмә: Г. Тукай исемендәге Халыкара шигырь укучылар бәйгесе 2011 елдан бирле уздырыла. 2016 елдан конкурс халыкара статуска ия булды һәм Татарстан Республикасы чикләрендә һәм Россиядә киң таралу алды. Бу милли мирасны саклауга, татар телен пропагандалауга, заманча милли шигъриятне үстерүгә, милли мәдәниятнең иң яхшы үрнәкләрендә шәхес тәрбияләү һәм балалар һәм яшьләр иҗатына ярдәм итүгә юнәлдерелгән социаль проект.

Фото: мәгариф бүлеге архивыннан