Террорчылыктан саклану буенча әңгәмә кордылар

Нурлат районы буенча Ведомстводан тыш сак бүлеге – “ТР буенча Ведомстводан тыш сак Идарәсе Милли гвардия гаскәрләре” ФДКУ җитәкчесе вазифаларын вакытлыча башкаручы Александр Еремеев ачыкланган канун бозулар турында комиссиягә җиткерде.

Мәдәният бүлеге җитәкчесе Алексей Тимирясов мәдәният бүлегендә террорчылыкны һәм экстремистлыкны профилактикалау, шул исәптән мәдәният объектларына паспорт бирү һәм канун бозуларны юк итү буенча үткәрелгән эшләр турында бәян итте.

Форпост үзәге җитәкчесе Динә Ибляминова аларның бүлекчәсе тарафыннан Интернет челтәрендә экстремистик материалларны ачыклау буенча алып барылган эшләр турында сөйләде. Үзәк китапханә директоры экстремистик характердагы басмаларны ачыклау максаты белән уздырылган дини әдәбият китапханә фондын анализлау буенча доклад белән чыгыш ясады. 

Муниципаль берәмлекләр территорияләрендә террорчылыкка каршы тору планында башкарылган эшләр турында авыл җирлекләре башлыкларын да тыңладылар. 

Утырышка йомгак ясап, комиссия рәисе – район башлыгы Камил Гилманов утырыш катнашучыларына сак булу,  халык белән оешканлык һәм сак булуны арттыруга юнәлдерелгән профилактик эш алып бару турында искәртте. Балалар һәм яшүсмерләрнең игътибар үзәгендә булырга тиешлеген – ата-аналарга һәм мәктәп укучыларына экстремистик сайтларга һәм социаль челтәрләрдәге төркемнәргә керүнең ярамаганлыгын аңлатырга кирәклегенә аерым игътибар бирде.