Татарстанда тагын 265 кеше коронавирус инфекциясе йоктырган, 435 кеше авырып терелгән

 Татарстанда соңгы тәүлектә Covid-19 коронавирус инфекциясе йоктыруның 265 яңа очрагы ачыкланган.

ТР Сәламәтлек саклау министрлыгының матбугат хезмәтеннән хәбәр итүләренчә, дүрт кеше чирне читтә йоктырып кайткан, калганнары башка авырулар белән аралашу нәтиҗәсендә эләктергән.

«73 кеше хастаханәгә озатылган, 192 кеше өендә дәвалана», — диелә ведомство хәбәрендә.

Казанда — 139, Чаллыда — 23, Яшел Үзән районында — 12, Алабуга районында — 11, Нурлат районында — сигез, Түбән Кама һәм Буа районнарында — алтышар, Алексеевск, Арча һәм Әлмәт районнарында бишәр очрак ачыкланган. Тулаем алганда, Татарстанның 31 муниципаль берәмлегендә яңа очраклар теркәлгән.

Пандемия башланганнан алып республикада коронавирус инфекциясенең 35 531 очрагы расланган. 28 393 кеше (шуларның 435е — узган тәүлектә) терелгән.

Республикада барлыгы1 915 357 кеше коронавируска каршы прививка ясаткан. 1 390 568 кеше икенче дозаны да алган.

Дүшәмбедән Татарстанда коронавирус инфекциясенә бәйле кайбер өстәмә чикләүләр кертелә. Республика Президенты Рөстәм Миңнеханов ТР Хөкүмәте йортында узган киңәшмәдә шулай дип белдерде.

Чыганак: tatar-inform.tatar