Татарстанда инфекцияле сынуларны дәвалау өчен имплантат әзерләгәннәр

Операция Республика клиник хастаханәсендә үткәрелгән, пациент чыгарылырга әзерләнә, дип хәбәр итә ТАСС РФ Мәгариф һәм фән министрлыгы матбугат хезмәтенә сылтама белән.

Аны Казан федераль университеты, Казан дәүләт медицина университеты һәм Республика клиник хастаханәсе коллективы ел ярым эшләгән. Сөяк эчендәге штифт бер үк вакытта сынуны терки һәм алтынсу стафилококк китереп чыгарган катлаулануларны да кертеп, инфекцияне локаль дәвалауны тәэмин итә.

Проект белән КФУның Лобачевский исемендәге Математика һәм механика институты кафедра мөдире Оскар Саченков җитәкчелек иткән. Клиник апробациядә КДМУның травматология, экопедия һәм экстремаль халәтләр хирургиясе кафедрасы мөдире Илдар Әхтәмов катнашкан. Имплантатның челтәр структурасында сөяк цементыннан антибиотиклар бүлеп чыгаруны КДМУның гомуми патология кафедрасы мөдире Сергей Бойчук һәм табиб Рәшит Шәфигулин тикшергән.

Имплантат титан эретмәсеннән ясалган һәм селектив лазерлы эретү (спекание) технологиясе буенча эшләнгән. Аның челтәрле структурасы антибиотиклы сөяк цементы белән тутырыла, ул штифтны урнаштырганнан соң әкренләп бүленеп чыга, зарарланган урынның төгәл зонасына йогынты ясый һәм ялкынсынуны киметә.

Металл үрнәкләр җитештерү кирәклеге аеруча авыр чор булган: чөнки лабораториядә титан белән эшли торган үз 3D-принтер булмаган. Прототипларны 3D-принтерлар эшләүче партнер оешма белән хезмәттәшлек итеп ясарга туры килгән, шуның аркасында кирәкле әйберләрне тиз арада алганнар.