Соңгы яңалыклар
Татарстанда даруларны электрон рецептлар белән сатып алып булачак
Татарстан Премьер-министры Алексей Песошин республика территориясендә «Электрон рецепт» сервисын кертү турында карарны имзалады.
Документ хокукый мәгълүмат порталында чыкты.
Карар нигезендә, хәзер Татарстан Республикасында даруларга рецептлар кәгазьдә генә түгел, ә электрон рәвештә дә биреләчәк. Электрон рецептлар белән даруларны даруханәләрдә сатып алырга мөмкин булачак.
«Татарстанның Сәламәтлек саклау министрлыгына медицина һәм фармацевтика оешмаларын сервиска тоташтыру буенча чаралар планын 20 көн эчендә эшләргә һәм расларга», – дип язылган документта.
Чыганак: tatar-inform.tatar
Следите за самым важным и интересным в Telegram-каналеТатмедиа
Нет комментариев