Татарстанда 206 кеше коронавирус йоктырган

Узган тәүлектә Татарстанда 206 кешенең коронавирус инфекциясе йоктыруы ачыкланган.

«Узган тәүлектә яңа коронавирус инфекциясе йоктыруның 206 очрагы ачыкланган. Коронавирус пандемиясе башланганнан алып 31 720 кеше ковид йоктырган», — дип сөйләде «Татар-информ» мәгълүмат агентлыгында матбугат конференциясендә Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтнең Татарстан буенча идарәсе җитәкчесе урынбасары Любовь Авдонина.

Татарстанда 9 700 кеше табиблар күзәтүендә, алар авыру кеше белән аралашкан яки аларда чир билгеләре күзәтелә. Бер тәүлектә коронавирустан 11 мең тест ясаганнар.

Узган тәүлектә Татарстанда 49 кеше, ә пандемия башланганнан алып 25820 кеше коронавирустан терелгән.

Чыганак: tatar-inform.tatar