Татарстан мәчетләре балаларны җәйге каникулга чакыра
Республика мәчетләрендә белем бирү, танып белү һәм күңел ачу чаралары кысаларында программа әзерләнде.
Җәйге каникул чорында Татарстан мөхтәсибәтләре балалар өчен рухи-сәламәтләндерү курслары оештыра.
ТР Диния нәзарәте матбугат хезмәте хәбәр итүенчә, республика мәчетләрендә белем бирү, танып белү һәм күңел ачу чаралары кысаларында сабыйлар өчен кызыклы программа әзерләнде. Ул үз эченә әхлак һәм тәрбия, Ислам нигезләре, Коръән дәресләрен, шулай ук күңелле чаралар: шаян уеннар, бәйгеләр, сабантуйлар һ.б. ала.
Җәйге каникулларны оештыручы мәчетләр исемлеге белән Диния нәзарәте сайтында танышырга мөмкин..
Чыганак: tatar-inform.tatar
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев