Татарстан халкын май аенда өстәмә ял көннәре көтә

1 май – Яз һәм хезмәт бәйрәмен, 9 Май – Җиңү көнен бәйрәм итүгә бәйле рәвештә, май аенда татарстанлыларны өстәмә ял көннәре көтә. Бу хакта ТР Хезмәт, халыкны эш белән тәэмин итү һәм социаль яклау министрлыгының матбугат хезмәте хәбәр итә.

«Ял һәм эшләми торган бәйрәм көннәре туры килгән очракта, ял көне алдагы эш көненә күчерелә. Быел 1 май якшәмбегә туры килә һәм ял көне 2 майга, дүшәмбегә күчерелә», - диелә хәбәрдә.

ТР Президенты Указы нигезендә, 2 май – Ураза гаете эшләми торган бәйрәм көн санала. Ял һәм бәйрәм көннәре туры килгән очракта, ял көннәренә өстәмә ял бирелми.

Элегрәк РФ Хөкүмәте карары белән 1 гыйнвар, шимбә ялы – 3 майга (сишәмбе), 2 гыйнвар, якшәмбе ялы 10 майга (сишәмбе) күчерелгән иде. Шул рәвешле, 2022 елда 1-3 май һәм 7-10 май ял көннәре булып тора.

Чыганак: tatar-inform.tatar