Спорт патриотлар тәрбияләргә булыша

Физик күнегү тәнне генә чыныктырып калмый, рухи үсешкә дә ярдәм итә

Район мәктәпләрендә гражданлык-патриотик тәрбия айлыгының спорт чараларыннан башлануы очраклы түгел.

Нәҗип Думави исемендәге Яңа Дума мәктәбендә айлыкны ачык һавада спорт уеннары белән ачтылар. Урта һәм кече звено укучылары, бары тик балаларга гына хас шатлык белән чаналар тартып менеп, рәхәтләнеп таудан шудылар.

Атна армрестлинг буенча ярышлар оештыру белән дәвам итте. Алда, мәктәп җитәкчесе сүзләренә караганда, укучыларны тагын да кызыклырак бик күп кызыклы чаралар көтә.