Савгач командасы волейбол буенча районда беренче булды
Районның гомумбелем бирү оешмаларының яшүсмерләр командалары арасында «Мәктәп волейбол лигасы» проекты кысаларында волейбол буенча ярышлар узды.
Тугыз мәктәп командасы катнашкан турнир «Юность» спорт комплексында үтте.
Балалар һәр хәрәкәтне төгәл үтәделәр, тупны бер-берсенә бик җитез тапшырдылар. Командаларның хаталанырга хокукы юк иде. Җиңелү уен мәйданыннан чыгуны ишарәләде.
Йомгаклау рейтингында өченче урынны Иске Ибрай мәктәбе командасы алды. Беренче урын өчен партияләр катлаулырак булып чыкты. Финалга чыккан командалар күпкә җитдирәк уйнадылар. Спортчылар өстенлекне югалтмаска тырышып, һәр очко өчен көрәштеләр. Ахыр нәтиҗәдә Савгач мәктәбе командасы җиңү яулады. Икенче урында Емелькино мәктәбе командасы.
Фото: спорт мәктәбе архивыннан.
Следите за самым важным и интересным в Telegram-каналеТатмедиа
Нет комментариев