Россиялеләргә кайвакытта читтән торып эшләргә рөхсәт итәргә мөмкиннәр

“Бөтенроссия халык фронты” вәкилләре Хезмәт министрлыгына компанияләрнең штаттагы хезмәткәрләренә ара-тирә читтән торып эшләү мөмкинлеген бирергә тәкъдим итте. Бу хакта “Известия” газетасы яза.

Халык фронты министрлыкка Хезмәт кодексының эш режимы бүлегенә “вакытлыча читтән торып эшләү” төшенчәсен кертергә тәкъдим итте. Бу кирәк булган вакытта, шәхси сәбәпләр аркасында, ике якның килешүе белән шундый тәртип кертеп булсын өчен кирәк.

Хезмәт министрлыгы халык фронтыннан әлеге хатны алган, ул билгеләнгән вакытта каралачак.

Чыганак: tatar-inform.tatar